ടൈറ്റിൽ ഒക്കെ ഒരു സുഹിപ്പീരല്ലേ !!!

ഇന്ന്  ഒരു  വിശേഷം  ഉണ്ട് , എന്താന്നറിയോ ?  ഇമ്മടെ  അനിയച്ചാർടെ പൊറന്നാളാ ! ഇത്തവണ  ഞാൻ  കഥ  പറയാൻ  ഒന്നും  നിക്കുന്നില്ല , നിക്കുവാണേൽ  ബ്രോ  , ഇന്നും  നാളേം  ഒന്നും  തീരുകേല്ല ..ന്താ  വിളിക്യാ ? അനന്താന്നോ ? കൃഷ്  ന്നോ  ?

കുട്ടിച്ചാത്തൻ  ആണെടാ  നീയ് . എന്റെ  ഏറ്റോം  വെല്യ  പാരയും  സ്നേഹവും  നിയാ  എന്ന  നിത്യ -ഹരിത  മഹാ  സത്യം  ഞാൻ  ഇവിടെ  പുറത്തുവിടുന്നു . അത്  കഴിഞ്ഞേ  ഉള്ളു  എന്തും . ആരും . നീ  ഇത്രേ  കുശുമ്പൻ  ആണെന്ന്  ഞാൻ  ഈയിടെ  ആണ്  കേട്ടോ  മനസ്സിലാക്കിയത് . പാവം  വിനി .

നീ  പറഞ്ഞെ  ശരിയാ , എനിക്ക്  ഒരുപാട്  കൂട്ടുകാർ  ഉണ്ട് , പക്ഷേ  നീയാണ്  എന്റെ  കൂടെ  എപ്പോളും  എല്ലാത്തിനും  കൂടെ  ഉണ്ടായിട്ടുള്ളത് . ( ഓഹ്  വെറുതെ  പോങ്ങേണ്ട )

 വിച്ചൂട്ടി ,

നിനക്കായിട്ടു  ഒരു  മൊട്ടുസൂചി  തിരഞ്ഞെടുക്കാൻ  പോലും  എനിക്ക്  കൺഫ്യൂഷനാ ! ( ചുമ്മാ  തള്ളിയതാ ! ഒരു  ഗും  കിട്ടാൻ  ! )  അപ്പൊ  പിന്നെ  ബെർത്ഡേയ്  ഗിഫ്റ്റിന്റെ  കാര്യം  പറയണോ . പറഞ്ഞു  വരുന്നേ  എന്താന്ന്  വെച്ചാ , ഞാൻ  ഇങ്ങനെ  ആലോയിക്കുവാരുന്നു , എന്താ  നിനക്കു  ഏറ്റോം  ഇഷ്ടം ന്ന് .

സത്യത്തിൽ  ‘അമ്മ  പറയും  പോലെ  ഒരു  പിടിവാശീം  ഇല്ലാത്ത  കുട്ട്യാ  നീയ് .നീ  ഒന്നും  വേണം  എന്ന് പറഞ്ഞു  വാശി  പിടിക്കുന്നെ  ഞാൻ  കണ്ടിട്ടില്ല . ( റിമോട്ടും  ഭക്ഷണോം  ഒഴിച്ച് )

“അവനു  വേണ്ടി  എന്താ  വാങ്ങുന്നെ , അവനെന്താ  ഏറെ  ഇഷ്ടം ?”

എന്നൊക്കെ  ഉള്ള  ചോദ്യങ്ങൾ  കേക്കുമ്പോ  ഞാൻ  പറയും , എയ്  അവനു  അങ്ങനെ  ഒന്നും ഇല്ല , എന്ത്  വാങ്ങി കൊടുത്താലും സന്തോഷമാ .ഒരു  പരാതിമില്ല . എന്റെ  അടുത്ത  കൂട്ടുകാരെല്ലാം  പറയും  വിച്ചുട്ടി  എന്ത്  പാവാ ന്ന് . അപ്പോൾ  ഞാൻ  ശരി  വെച്ച്  കൊടുക്കില്ലങ്കിലും , എനിക്കറിയാല്ലോ , എന്റെ  വിച്ചൂട്ടി  സൂപ്പറാ  ന്ന് .

ചേട്ടൻ  ഉള്ളോർക്ക്  അനിയൻ  ഇണ്ടാരുന്നേ  ന്നു  തോന്നും  , അനിയത്തി  ഉള്ളോർക്  ഒരു  ചേച്ചി  ഇണ്ടാരുന്നേ  ന്നും

അനിയൻ  ഉള്ള  പലരും  ഒരു  ചേട്ടൻ  കൂടെ  വേണാരുന്നു  ന്നും  പറഞ്ഞു  കേട്ടിട്ടുണ്ട് . എനിക്ക്  പഷേ  ഇതുവരെ ഒരു  ചേട്ടൻ  വേണമെന്നോ  , അനിയത്തി  മതി  ആയിരുന്നെന്നോ  തോന്നിയിട്ടില്ല .

എനിക്ക്  ഈ  അനിയനെ  മതി . ചേട്ടൻ  ആയും  അനിയത്തി  ആയും  ഒക്കെ . നിനക്കു  ഇഷ്ടം  ഉള്ളതൊക്കെ  ചെയ്യണം . സ്വപ്‌നങ്ങൾ  കാണണം . അതിനു  ചിറകുണ്ടാകേണം . പറക്കണം .

എന്നും ഈ  ചിരി  ഞങ്ങൾക്ക്  കാണണം . ഒരുപാട്  സ്നേഹത്തോടെ  എന്റെ  വിച്ചൂട്ടിക്ക്  ഒരായിരം  പിറന്നാൾ ഉമ്മകൾ !

 ചേച്ചികുട്ടി  ❤

[NB:ടൈറ്റിൽ  ഒക്കെ  ഒരു  സുഹിപ്പീരല്ലേ  !!! ഉള്ളിൽ  മുഴോൻ  മധുരമല്ലേ  , ഇതൂടെ  മധുരാക്കിയാ  ഇവിടെ  ഉറുമ്പ്  കേറും , അതിനു  ഞാനില്ല്യേ

 And always remember a sister loves you  ]

[പിന്നേം   NB: പ്ലീസ്  ഇഗ്നോർ  ഇഫ്  ഓൾറെഡി  റെഡ്  ഇൻ  എഫ് . ബി  ആൻഡ്  ഇൻസ്റ്റാ  !! വെറുപ്പിക്കൽ  തുടരും !! ]