കൊല്ലത്തു നിന്ന് വാഗമൺ എത്താൻ എന്തൊക്കെ മാർഗ്ഗങ്ങൾ ഉണ്ടെന്ന് റെയിൽവേ- ടേം ആനവണ്ടി .കോം -ന്റ്റെം സൈറ്റുകൾ മാറി മാറി നോക്കി കാര്യങ്ങൾക്കൊക്കെ ഒരു വിധം തീരുമാനം ഉണ്ടാക്കി !
കൊല്ലം – കോട്ടയം [ട്രെയിൻ]
പിന്നെ കോട്ടയം -കട്ടപ്പന [കെ. എസ്സ്. ആർ. റ്റി. സീ ]
റെയിൽവേ സ്റ്റേഷൻ വരെ മനസ്സിൽ ” വരൂ പോകാം പറക്കാം ” ന്ന് പാടി പാടി വന്നു . അപ്പോളാണ് പാലരുവി എക്സ്പ്രസ്സ് ലേറ്റ് ,
5:55 കൊല്ലം – 7.20 കോട്ടയം
7:40 കോട്ടയം -10:30 വാഗമൺ
ദാറ്റ് വാസ് ദി പ്ലാൻ
പ്ലാൻ തകർന്നു !! പാവം ശ്രീജം , ട്രെയിൻ പുറപ്പെടാൻ വൈകുന്നേനു എന്തൊക്കെയോ പറയുന്നു , ഒന്നും മിണ്ടാതെ മനസ്സിൽ ട്രെയിനെ തെറി വിളിക്കുന്ന ഞാൻ ! പ്ലാൻ തകർന്നു !! പാവം ശ്രീജം , ട്രെയിൻ എടുക്കാൻ വൈകുന്നേനു എന്തൊക്കെയോ പറയുന്നു , ഒന്നും മിണ്ടാതെ മനസ്സിൽ ട്രെയിനെ തെറി വിളിക്കുന്ന ഞാൻ ! അപ്പോൾ അതാ 3:15 നു കോട്ടയത്തു എത്തിയ ഒരു അപ്പൂപ്പന്താടി വിളിക്കുന്നു , കായംകുളം ആയിട്ടില്ല ഞങ്ങൾ , പിന്നെ ഏതു നാക്കു കൊണ്ട് പറയും ഞങ്ങളെ കാത്തുനിൽക്കണേ ന്ന് . 8.20 ആയപ്പളേക്കും കോട്ടയത്തു എത്തി നേരെ കെ.എസ്.ആർ.റ്റി .സീ ‘ലേക്ക് ഓട്ടോ കേറി . അവിടെ ഒരു കട്ടപ്പന ബസ്സ് ഉണ്ടായിരുന്നു . ടോയ്ലെറ്റും റെസ്റ്ററെന്റും ഒന്നും നോക്കി നടക്കാതെ അതിൽ കേറി ഇരുന്നു . ഏറ്റുമാനൂരും പാലയും ഭരണങ്ങാനവും ഒക്കെ കണ്ടങ്ങനെ പോകുവാ , പള്ളീടെ മുന്നിലൂടെ വളരെ പതുക്കെ ആണ് ബസ്സ് പോകുന്നത് , സാധാരണ ഗതിയിൽ ഒരു ഫോട്ടോ ഒക്കെ എടുത്തു ഞാൻ സൂക്ഷിച്ചേനെ , വൈകിയെല്ലോ എന്നൊരു ചിന്ത മാത്രേ ഉള്ളു മനസ്സിൽ .
തീക്കോയി കഴിഞ്ഞു ഇരാറ്റുപേട്ട -പീരുമേട് റോഡിൽ കേറി . നഗരക്കാഴ്ചകളില് നിന്ന് ഏറെ ദൂരം ഓടിപ്പോന്നിരിക്കുന്നു.റോഡിങ്ങനേ വളഞ്ഞു പുളഞ്ഞു കിടക്കാ , അങ്ങോട്ടും ഇങ്ങോട്ടും ആടി ആടി നല്ല രെസ്സത്തിൽ പോകുവാ .. റോഡിനിരുവശവും പച്ചപ്പാണ് . എന്നെ ഇടതു ഭാഗത്തെ മലകൾ കാണിച്ചു തെരുന്ന ജാം , വായ പൊളിച്ചു നോക്കുന്ന ഞാൻ , പെട്ടന്ന് വലതു ഭാഗത്തേക്ക് തല തിരിക്കുമ്പോ , “വാ വാ ഇങ്ങോട്ട് നോക്ക് ” എന്ത് രെസ്സാ ലെ ! മൂന്നാൾ ഇരിക്കുന്ന സീറ്റാ ,
ആ കുട്ടി : നിങ്ങൾ എവിടുന്നാ വരുന്നേ ?
ജാം : കൊല്ലം !
ഞാൻ : എങ്ങോട്ടാ ?
ആ കുട്ടി : കട്ടപ്പന .
[അങ്ങോട്ടും ഇങ്ങോട്ടും പുഞ്ചിരികൾ ]
അപ്പോഴേക്കും കൂടെ ഉള്ളോർ എല്ലാം എത്തേണ്ടിടത്തു എത്തി ! വാഗമണിൽ നിന്നും വീണ്ടും പോകണം കോലാഹലമേട്ടിലേക്കു , അവിടെയാണ് പറക്കാൻ പോകുന്നത് . ബസ്സ് അതുവഴി ആണെന്നുള്ള കാര്യം അതുവരെ ഞങ്ങൾക്കറിയില്ലായിരുന്നു . വാഗമൺ എത്തിയ ശേഷം വീണ്ടും ടിക്കറ്റ് എടുത്തു . കണ്ടക്റ്ററോട് കോലാഹലമേട് എന്ന് പറഞ്ഞു ടിക്കറ്റ് എടുത്തു . ദോഷം പറയരുതല്ലോ , എന്തൊരു നല്ല മനുഷ്യൻ , സ്ഥലം എത്തുമ്പോ പറയണേ , ഏഹേ ! സ്റ്റോപ്പ് എത്തുന്നേനു മുന്നേ ബസ്സിൽ നിന്ന് ഇറങ്ങി , ആ മഹാനുഭാവൻ കണ്ടുകൊണ്ടു നിപ്പുണ്ട് , ആഹ് കുട്ടികൾ വഴി ഒക്കെ പഠിക്കട്ടെ എന്ന് കരുതി കാണും . ജി.പി .എസ്സ് . ഓൺ ആക്കിയപ്പോൾ ആണ് ഞങ്ങൾ 3km എവേ ആണെന്ന് മനസ്സിലായത് .
[ബി.എസ്സ്.എൽ . നെറ്റ്വർക്കിനോട് ബഹുമാനം തോന്നിയ നിമിഷം .]
ഓട്ടോ പിടിക്കാം , വേറെ എന്താ ഇപ്പൊ ചെയ്യാ ! ഓട്ടോ ചേട്ടൻ നല്ല വാചകം ആണ് , ചേട്ടൻ ആണ് കോലാഹലമേടിനെ തിരുത്തി കോൽ-ആഹലമേടാക്കിയത് . ഓരോ കോൽ അകലത്തിലും മേടുകൾ .കഥയൊക്കെ കേട്ട് ചെക്ക്പോസ്റ്റും കടന്നു ദാ മേട്ടിൽ എത്തി . ഓട്ടോയിൽ ഇരുന്നു കേട്ട കഥയൊക്കെ ആത്മഹത്യ കഥകളാ ട്ടോ ! പിന്നെ ഞങ്ങൾക്കു പേടി കുറവായതു കൊണ്ട് കോൺഫിഡൻസ് ലെവലിൽ വേരിയേഷൻ വന്നില്ല .
ആൾടെ നമ്പർ വാങ്ങി വെച്ചു , തിരിച്ചു ആ മല ഇറങ്ങി അടുത്ത ബസ്സ് സ്റ്റോപ്പ് പിടിക്കാൻ ഉപകാരപ്പെട്ടേക്കും . പെട്ടു .
കുറെ ആളുകൾ ആകാശത്താണ് , ഭൂമിയിൽ ഉള്ളവരും ആകാശത്തേക്കു നോക്കി നിക്കുന്നു . പരിജയം ഉള്ള മുഖങ്ങൾ ഒന്നുമേ കാണുന്നില്ല . ഓട്ടോ പറഞ്ഞു വിടണ്ടാരുന്നു എന്ന സെക്കൻഡ് തോട്ട് വരുന്നേനു മുന്നേ ധാ നിക്കുന്നു തൊപ്പിയൊക്കെ വെച്ച് സജ്ന ചേച്ചി . വാ വാ എന്താ ലേറ്റ് ആയതു , പോയി ഫോം ഫിൽ ചെയ്തു ടോക്കൺ മേടിക്ക് . എല്ലാം എഴുതി ഒപ്പിട്ടു ഞാനും ആകാശത്തേക്കു നോക്കാൻ തുടങ്ങി . ആരോ ഒരാളിപ്പോ വാഗമൺ ജംഗ്ഷനിൽ ആണ് .
എങ്ങോട്ട് നോക്കിയാലും പച്ച ! വെയിലും തണുപ്പും ചേർന്ന കാലാവസ്ഥ . മനസ്സിൽ വീണ്ടും പഴയ ട്രാക്ക് !
“മാരിവില്ലിൻ പീലി വീഴുമാ മേട്ടിലെ
പായ് വിരിച്ചു കാത്തുനിന്നിടാം ..
ആകാശം കാണാൻ ആഴങ്ങൾ തേടാൻ ..
…വരൂ പോകാം പറക്കാം.. “
എനിക്ക് ഹൈറ്റ്സ് ഭയങ്കര ഏക്സൈറ്റ്മെന്റ് ആണ് . ഒരുപാട് ഉയരത്തീന്നു താഴേക്കു ചാടുമ്പോൾ ചിറകു മുളക്കുമെന്നും , അന്തരീക്ഷത്തിൽ പാറി നടക്കാമെന്നും ഒരു ചിന്ത പണ്ടേ ഉണ്ടായിരുന്നു . അത് തെറ്റാണെന്നു ബോധമനസ്സിനു അറിയാമെങ്കിലും, ഹൈറ്റ്സിൽ നിൽക്കുമ്പോ സന്തോഷം കൂടി മറ്റേതോ അവസ്ഥയിൽ എത്തും ഞാൻ.അതുകൊണ്ടു തന്നെ തുടക്കം മുതൽ അവസാനം വരെ എനിക്ക് വാ അടച്ചു വെക്കാൻ കഴിഞ്ഞില്ല . ചിരി നിർത്താനും .
പണ്ട് പ്ലെയ്നിൽ പോകുന്നവർക് റ്റാറ്റ കൊടുക്കൊന്നൊരു ശീലം ഉണ്ടായിരുന്നു എനിക്ക് , പിന്നീട് എപ്പോഴോ ആണ് മനസ്സിലായത് അവർക്കതൊന്നും കാണാൻ പറ്റില്ലാന്ന് , എത്ര റ്റാറ്റ വേസ്റ്റ് ! സ്റ്റിൽ അടുത്തെങ്ങും ആരും ഇല്ലെന്ന് കണ്ടാൽ ഞാൻ റ്റാറ്റ പറയാറുണ്ട് !
മേഘങ്ങളോട് അടുത്ത് ഉയർന്നു , മരങ്ങൾക്കും കുന്നുകൾക്കും മീതെ ,
കണ്ടു വീശും കാറ്റിൻ വീറും ..
.. എഹേയ് കണ്ടു മലനിരാ
ഓഹോയ് കണ്ടു താഴ്വര
മാമരം കണ്ടേ ചോല കണ്ടേ
ഇലകൾ കണ്ടേ കായ്കളും …
പെട്ടന്ന് കഴിഞ്ഞു പോയതായി തോന്നി !
പറന്നു കൊതി തീരാതെ ഞങ്ങൾ താഴേക്ക് ലാൻഡ് ചെയ്തു , ഞാനും എന്നെ പറപ്പിച്ച രോഹിത്തും .
ശ്രീജം ആകാശത്താണ് .അതുകൊണ്ട് ഭൂമിയിൽ ഉള്ള ബിൻഷായുമായി മേട് കാണാൻ പോയി , സമയമില്ലലോ ഞങ്ങൾ കാറ്റുകൊണ്ട് നടന്നു തുടങ്ങയപ്പോഴേക്കും ശ്രീജം ലാൻഡ് ചെയ്തു കൂടെ രേവതിയും എത്തി . നടക്കാവുന്നത്ര നടന്നു .ശേഷം രമ്യയും നിക്കിയും കൂടെ കൂടി , കുറിച്ചു ഫോട്ടോസൊക്കെ എടുത്തു തിരികെ എത്തിയപ്പോഴേക്കും , പലരും പറന്നു കഴിഞ്ഞു വീട്ടിൽ പോയി കഴിഞ്ഞു .
അപ്പൂപ്പന്താടികൾക്കു റ്റാറ്റാ പറഞ്ഞു മടങ്ങി . കണ്ണിലും മനസ്സിലും പറന്നത്തിന്റെ സന്തോഷം ,അതും പിറന്നാൾ ദിവസം , ഇരട്ടി മധുരം .
തിരികെ ട്രെയിൻ കേറിയപ്പോ പാവം ജാം വിശന്നു തളർന്നിരുന്നു ,അപ്പോള എന്റെ ഡയലോഗ് , ജാം ഇനി നമുക്കു സ്കൈ ഡൈവ് ചെയ്യണം !
ഇല്ല നീ ഉറങ്ങിക്കോ , നമ്മൾ എത്താറായി , ഇപ്പോ എത്തും .
So When was the last time you did something for the first time? I just did ! 🙂
Location: Fly Vagamon , Pine Valley Road, Kolahamedu , Vagamon , Kerala
Route: Kottayam- via Ettumanoor – Erattupetta – Poonjar Rd/Ettumanoor – Pala – Poonjar Rd and SH14 to Pine Valley Road in Vedikuzhi, Kolahalamedu
Bus timings from Kottayam
07:20 am, 07:40am, 08:20am, 09:25am
If you are a travel enthusiast and love to explore the world, a woman with wanderlust- Then Connect to Appooppanthaadi :
https://www.facebook.com/appooppanthaadi.fly.high/
Love,
Narayani 🙂